13 декабрехь 2018ш. Грозненски муниципальни к1оштан Г1улари юртан юкъара дешаран №1 –чу школехь  д1аяхьара Айдамиров Абузаран  дахарх а, кхоллараллехь а лаьцна «Гражданин, патриот, яздархо» ц1е йолу региональни этнографически диктант.

Диктант д1аяхьаран 1алашоо а, лехамаш а, принципаш а.

Диктант 1алашонаш:

- эхь-бехкаман а, гуманизман а, патриотизман а бух т1ехь граждански юкъаралла кхоллар;

                           - Нохчийн Республикан бахархойн этнографически а, культурологически а, лингвистически а, Айдамиров А.А. кхоллараллех долу хаарийн т1ег1а билгалдаккхар;

- ненан маттехула а, литературехула а, 1илманехула а, дийнна схьаэцча, дешарехула халкъан синмехалаш яржош а, ч1аг1ъяр а.

                      Диктантан лехамаш:

- республикан бахархойн лингвистически а, культурологически а хаарийн т1ег1а довзар, церан воккха-жималлин а, социальни структурехь д1алоцучу меттиге а хьаьжжина;

- диктантан декъашхошна шайн нохчийн маттах а,  литературех а, этнографех а, культурологех а, Айдамиров А.А. кхоллораллех долчу хаарех дерг билгалдаккхар;

-хаамийн г1ирсийн а, нохчийн юкъараллин а меттан, этнографически, культурологически хаарийн проблемашна т1е тидам бахийтар;

- республикан бахархой ненан мотт а, литература а, этнографи а, культурологи а 1аморна т1еберзор.

Этнографически диктант язъярехь дакъалецир хьехархоша а, дешархоша, воккха-жима хиларца а, дина лехамаш кхочушбарах а, гражданаллах а доьзна доцуш.

Диктант д1аяхьарах лаьцна суьрташ а, видео а яккхийна.